Науайы атындағы жалпы орта мектебінің
қысқаша тарихы
Мектеп 1929 – 1930 жылдары бастауыш сынып болып ашылған.
1934 жылы мектеп 7 жылдық болып, Сталин есімі берілген. Мектептің алғашқы ұйымдастырушылары Саъди Насруллаев, А.Абжаппаров, Тоқтан Атажиевтер болды.
1938 жылы мектепті 12 түлек бітірген.
1941 жылы Сталин мектебі Созақ ауылындағы В.И.Ленин атындағы мектебіне біріктірілді.
1952 жылы Ленин мектебінен бөлініп, мектеп 8 жылдық болып, мектеп директоры Қошқар Абдусалямов жұмыс атқарды.
1963 жылы мектепке Ы.Алтарынсарин атындағы орта мектеп атауы беріліп, оған Сиябеков Мадияр директор болды.
1964 жылы мектеп атауы Науайы болып өзгеріп, мектеп директоры қызметін Асенов Маулен, оқу ісі орынбасары Назаров Өтеген болып, кейін Маюсуф Абдужалиев атқарған.
1975-1976 жылдары сол кездегі Созақ совхозының директоры Абдраманов Балтабайдың бастамасымен 620 орындық ыңғайластырылған мектеп ғимаратының құрылысы басталып, 1985 жылы толық аяталды.
1985 жылдан бастап мектеп директоры А.Жұманазарова болып тағайындалды. Ол ұзақ жылдар жемісті атқарып 2007 жылдың аяғында зейнеткерлік демалысқа шықты.
2006 жылдың 29 желтоқсанынан 2013 жылдың қыркүйегіне дейін мектептің директорлық қызметін Мухаметжан Бабаев атқарды.
2013 жыл қыркүйек айынан бастап мектеп директоры болып Рысбай Абдыраманов тағайындалды.
2018 жылдың 15 қыркүйегінен бастап мектеп директоры Рысбай Абдыраманов зейнеткерлік демалысқа шықты.
2019 жылдың ақпан айында Мухаметжан Бабаев мектептің директорлық қызметіне тағайындалды.
2022 жылдың 10 қаңтарынан бастап Мухаметжан Бабаев зейнеткерлік демалысқа шықты.
2023 жылдың 14 шілдесінен бастап Нурмухамед Балтабаев мектептің директорлық қызметіне тағайындалды.
Мектеп директорының оқу ісі жөніндегі орынбасары Нутиллаев Мухамеджан, мектеп директорының бастауыш сыныптар бойынша орынбасары Ауезхан Байменов, мектеп директорының бейінді оқыту бойына орынбасары Гулназ Стамова, мектеп директорының тәрбие ісі жөніндегі орынбасарлары Султанбай Розметов, Жұмаділов Хамза, мектеп психологтары Гуласал Тастанова, Сұлташова Құндызай, мектептің әлеуметтік педагогі Утенбай Утенбаев, мектеп тәлімгері Оғылай Абдуахитова.
2015-2016 оқу жылының 1- қыркүйекте республикалық бюджет есебінен жаңа 600 орындық мектеп ғимараты жұмысқа берілді. Құны 751 млн.теңге.
Жаңа мектеп ғимараты екі корпусты, бір корпусы екі қабатты бастауыш сыныптарға арналған, екінші корпусы үш қабатты жоғары сыныптарға арналған. Жаңа мектеп ғимараты Науайы атындағы мектеп орналасқан жер учаскесінің 3,2 га жеріне орналасқан. Мектептің көгалдандыру алаңы 16391 м2, спорт алаңы 6019 м2 .
Жаңа мектеп ғимаратында 180 орындық 1 акт зал, 433 м2 ауданды 1 спорт зал. Жалпы мектепте 32 оқу кабинеті бар. Оның үшеуі компьютер сыныбы, ондағы жалпы компьютерлер саны 39, 3 лингафон кабинеті, ондағы компьютерлер саны 39. Сонымен бірге мектепте 30 орындық кітапхана, 200 орындық асхана барлық құрал-жабдықтарымен орнатылған.
